मकवानपुर । मकवानपुरको इन्द्रसरोवर गाउँपालिकाको कुलेखानी ड्याम नजिक भएको जीप दुर्घटनामा चार जनाको मृत्यु भएको छ ।
गाउँपालिकाको वडा नं २ सिमखोलामा अपरान्ह साढे पाँच बजेतिर भएको दुर्घटनामा अन्य चार जना घाइते भएका छन् । दुर्घटनामा गम्भिर घाइते भएका चारै जनाको उपचारका क्रममा मृत्यु भएको मकवानपुर प्रहरीले जनाएको छ ।
तीनजनाको हेटौंडा अस्पतालमा र एक जनाको काठमाडौं स्थित राष्ट्रिय ट्रमा सेन्टरमा मृत्यु भएको प्रहरीको भनाइ छ ।
दुर्घटनामा घाइते भएकाहरु मध्ये तीन जनाको हेटौंडा अस्पतालमा र एक जनाको काठमाडौमा उपचार भैरहेको जिल्ला प्रहरी कार्यालय मकवानपुरका प्रवक्ता टेक बहादुर कार्कीले जानकारी दिनुभएको छ ।
घाइते को पहिचान खुल्न नसकेको र मृतकहरुको पनि सनाखत हुन बाँकी रहेको प्रहरीको भनाइ छ ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
