काठमाडौं कार्तिक ६ । इजराइलले हमासलाई समाप्त गर्ने गरि सैन्य कारवाही शुरु गरेको जनाएको छ । इजराइली प्रधानमन्त्री बेन्जामिन नेतान्याहुले हमाससँगको युद्ध गर या मरको अवस्थामा रहेको भन्दै युद्ध रोक्न नसकिने बताउनु भयो ।
यसै गरी इजराइली रक्षा मन्त्री योभ ग्यालान्टले गाजामा शुरु भएको सैन्य अभियान एकदेखि तीन महिना लाग्न सक्ने तर अन्त्यमा हमासको अस्तित्व समाप्त हुने बताउनु भयो ।
इजरायली वायुसेनाको अपरेसन कमाण्ड एण्ड कन्ट्रोल सेन्टरमा अपरेशनल ब्रीफिङपछि ग्यालान्टले सो कुरा बताउनु भएको हो ।
साथै गाजामा हमासलाई सिध्याउने यो नै अन्तिम युद्ध हुने पनि रक्षामन्त्री ग्यालान्टको भनाइ छ ।
यसै बीच छिमेकी मुलुक इरानले इजराइल र अमेरिकालाई चेतावनी दिंदै तत्काल इजराइलले सैन्य कारवाही बन्द नगरे मध्यपूर्व नै नियन्त्रण बाहिर जान सक्ने जनाएको छ ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
